ပုံပြင်..

December 12, 2009

သူပုံပြောပြန်တယ်

ဒါပေမဲ့ ဒီတစ်ခါ ပုံပြင်က ချစ်စရာကောင်းနေလို့

နားထောင်လိုက်ရတဲ့ ငါ့မှာ အရူးတပိုင်း…။

အချစ်က နေမဝင်သေးပြန်ဘူး

ကိုယ်တိုင်ကိုက နစ်မျောနေချင်တဲ့ ဓာတ်ခံကအပြည့်

အသက်ဝိညာဉ်ပါးပါးလေးထဲမှာ သူ့ကို အသာအယာထည့်သိမ်းရင်း

သံသရာ ရထားကြီးထဲ လိမ့်တလဲ့လဲ့…။

ခုနားထောင်နေတဲ့ သီချင်းက “အချစ်ကို ကိုးကွယ်”

တစ်ခန်းဝင်တစ်ခန်းထွက် လိုက်ရှာနေစရာ မလိုဘူး

ဦးနှောက်ထဲမှာရော..နှလုံးသားထဲမှာပါ နေရာအပြည့်

မသိလိုက် မသိဘာသာ ကျဆုံးခန်းက ပြန်ရစ်စရာ မလိုတဲ့ ဇာတ်ကွက်ပေါ့။

မှော်ဆရာ ငင်တဲ့ကြိုးမှာ ဟောဒီ ဧဝ ထောက်ချောက်အမိခံနေတယ်

လာရာလမ်းဆိုတာလည်း မျှော်တော်ဇောနဲ့ မောနေရတဲ့ ကဗျာ..

နယ်စည်းမခြား အလွမ်းတွေက ရောင်စုံတွေ ဖြာတလက်လက်

မိုက်တွင်းတွေ ပိုနက်အောင် တူးမိပြန်တာလည်း အခါခါရယ်…။

ကဲပါလေ…ပြောရရင်တော့ ဟောဒီစာရေးတဲ့သူက

အဲဒီပုံပြင်ကိုပဲ ခုန်နှုန်းမြင့် ရင်ခုန်သံနဲ့ နားစွင့်ရင်း

သာသာလေး မှေးစက်နေချင်တာကိုကွယ်…။   ။

၂၇ နိုဝင်ဘာ ၂၀၀၉ သောကြာနေ့

ရင်ခုန်သံ…၁

ဒီတစ်ခါ ကြားရတာ ပထမဆုံးလည်း မဟုတ်တော့ဘူး

ဒါတောင် အဲဒီစကားကြားတော့

ဖိစီးမှု ဒဏ်ရာတွေ ရှုပ်ထွေးရင်း တိတ်တိတ်လေးစိတ်ချမ်းသာသွားမိသေး။

တစ်ဘဝစာ ရွေးချယ်လိုက်မိတဲ့ ဒဏ်ရာပဲ

ကြေကွဲရမယ်ဆိုလည်း ဆိတ်ဆိတ်ငြိမ်ငြိမ်ပဲပေါ့။

ခုဆို တစ်ယောက်တည်း လမ်းလျှောက်ရင်း ပြုံးနေမိတဲ့ အထိ

ဘာကို ပျော်လို့ ပျော်နေမှန်းမသိ

ကိုယ်တိုင်တောင် သတိမပြုမိဘဲ တက်ကြွနေလိုက်ပုံများ….။

စနေ..တနင်္ဂနွေတွေ လာစမ်းပါ

သူရယ်သံတွေ အရှင်လတ်လတ် ကြားချင်လှပြီ

ယောင်ယမ်း နှိပ်မိတဲ့ ဖုန်းခလုတ်တွေကလည်း ငြိုငြင်နေပြီလေ..

သန်းခေါင် မိုးသောက်မရှောင် ထထလွမ်းနေတတ်တဲ့ ကာလများနဲ့

အသားမကျသေးလို့ ဒီရင်ခုန်သံဖွဖွကိုပဲ ငုံ့ငုံ့ကြည့်နေရတယ်။

၂၃ အောက်တိုဘာ ၂၀၀၉ သောကြာနေ့

ရင်ခုန်သံ… ၂

ညနေမှာ ရွာတဲ့ မိုးက သည်းသည်းထန်ထန်

ရင်ထဲမှာ ဝုန်းတဒိုင်းဒိုင်းနဲ့

စကားလုံးတွေက လည်ချောင်းဝမှာ ပြည့်ကျပ်ညပ်ပြီးတော့ပဲ

မနေ့တနေ့ကလို အားလုံး အသစ်ပြန်ဖြစ်။

၂၆ အောက်တိုဘာ ၂၀၀၉ တနင်္လာနေ့

ရင်ခုန်သံ.. ၃

ရင်ခုန်သံဆိုတာ အသက်ရှင်နေသရွေ့ ခုန်နေဦးမှာလေ

ဒါပေမဲ့ နေပါဦး..

အဲဒီ ရင်ခုန်သံက အဲဒီလောက် ကဆုန်ဆိုင်းသွားစရာ လိုလို့လား

အချစ်ပြီး အချစ်.. အချစ်နဲ့

ဟောဒီ သံသရာ ဘယ်တော့ အလည်ရပ်မလဲ

တကယ်ဆို ဟယ်လို တစ်ချက်ပဲ ကြားလိုက်ရုံပါ။

ပတ်ဝန်းကျင်တစ်ခုလုံး အသက်ရှူမှားလို့

အတိတ် ပစ္စုပ္ပန် အနာဂတ်တွေ မှေးမှိန် ပျောက်ပျက်သွားတဲ့ တဒင်္ဂ။

အဲဒီ ရင်ခုန်သံလေးနားမှာပဲ စီးမျော နေထိုင်သွားချင်လာတဲ့ စိတ်က ဆိုးတယ်။              ။

၂၈ နိုဝင်ဘာ ၂၀၀၉ စနေနေ့