A.K.Latt

ဆံပင်ကောက်ကောက်၊ မျက်လုံးပြူးပြူးနဲ့ ခင်စရာ ရန်ကုန်သားပါ။ သူနဲ့က ၂၀၀၅ ခုနှစ်ထဲမှာ လုပ်ငန်းခွင်မှာသိကျွမ်းခဲ့တာဖြစ်ပါတယ်။ သူက စကားပြောကောင်းပြီးတက်ကြွတဲ့ လူငယ်လေးဖြစ်ခဲ့ဖူးတယ်။ မိတ်ဆွေတွေရဲ့အရေးကို စိတ်ဝင်စားပေးတယ်။ နားထောင်ပြီးအကြံပေးတယ်။ တခါတလေတော့ ၂၀၀၅ -၂၀၀၆ လောက်က ပျော်ရွှင်တက်ကြွနေတဲ့ A.K.Latt ကိုသတိရမိပါတယ်။

A.K.Win

Egress ကဘော်ဒါပါ။ သင်တန်းဆင်းပွဲက သူ့ရဲ့သံချပ်အစီအစဉ်လေးကို ခုထိသတိရနေဆဲပါ။ ကျွန်မတို့ အပေါင်းအသင်းတစ်သိုက်ရဲ့ အနွံအတာကို စိတ်ရှည်လက်ရှည်သည်းခံပေးရင်း ဘော်ဒါတွေအတွက် ထမင်းချိုင့်ထဲမှာ ဟင်းတွေအများကြီး ထည့်ထည့်လာတတ်တဲ့ရန်ကုန်သား။ အပြောအဆိုပွင့်လင်းပြီး ရိုးသားတယ်။ ဟန်ဆောင်မှုကင်းတယ်။ အဲဒါသူရသွားတဲ့အမှတ်တွေပါ။

A.M.Min

CDCE (ချင်းမိုင်) သင်တန်းနဲ့ဆက်နွယ်ပြီး အစောဆုံးသိကျွမ်းခဲ့တဲ့ ရန်ကုန်သားဖြစ်ပါတယ်။ ကျွန်မကို အရမ်းနားလည်တဲ့အဲဒီသူငယ်ချင်းမျိုးရခဲ့လို့ ဘုရားကိုကျေးဇူးတင်တယ်။ သူက ဉာဏ်ကောင်းတယ်။ ပွင့်လင်းတယ်။ ခုထိကျွန်မရဲ့ Advisor, Counselor အဖြစ်အားကိုးယုံကြည်နေရတဲ့သူပါ။

H.H.Ei

၂၀၀၅ နှစ်စပိုင်းမှာ လုပ်ငန်းခွင်မှာသိကျွမ်းခဲ့တဲ့ သူငယ်ချင်းပါ။ ကျွန်မနဲ့ ဝါသနာတူ၊စရိုက်တူ ရန်ကုန်သူဖြစ်ပါတယ်။ သူမနဲ့ကျွန်မက ရင်ခုန်သံချင်းတော်တော်နီးစပ်ခဲ့တယ်။ ခေါင်းမာတာ၊ ပေတေတာချင်းလည်း တူလို့ ကျွန်မရဲ့အချစ်ဆုံးသူငယ်ချင်းစာရင်းထဲမှာသူမ ပါဝင်လာတယ်။

K.M.Mon

သန်လျင်ဘက်က ရွာလေးတစ်ရွာမှာ စွန့်စွန့်စားစား စာသွားသင်ပေးနေတဲ့ မူလတန်းပြဆရာမလေး။ ကျွန်မတွေ့ဖူးသမျှ မိန်းကလေးတွေထဲမှာစိတ်သဘောထားဖြူစင်မှုစံထားရမယ့် သူမျိုးပေါ့။ မိတ်ဆွေတွေက သူမအပေါ်ကောင်းကောင်း မကောင်းကောင်း သူမဘက်က စိတ်ထားဖြောင့်ဖြောင့်မှန်မှန်နဲ့ အတတ်နိုင်ဆုံးပေးဆပ်တတ်သူဖြစ်ပါတယ်။ ၂၀၀၅ မှာစတင်သိကျွမ်းခဲ့တာပါ။ အခုတော့သူမနဲ့ ကျွန်မ မကြာခင် အမျိုးတော်ရတော့မယ်။ 😀

K.T.Zin

Egress မှာခင်မင်ခဲ့တဲ့ညီမလေးပါ။ ကရင်မလေးပေါ့။ သူမက ခင်မင်တဲ့ကာလမကြာသေးပေမဲ့ ကျွန်မနဲ့စရိုက်တူ ဝါသနာတူစွာ Egress သင်တန်းမှာအခင်မင်ဆုံးတစ်ဦးဖြစ်ခဲ့တဲ့ မိန်းကလေးဖြစ်ပါတယ်။ နည်းနည်းစိတ်ဆတ်ပေမဲ့ စိတ်ညစ်စရာ၊ ပျော်စရာတွေကို ကျွန်မနဲ့မျှဝေခံစားပေးခဲ့တဲ့သူ။

K.Z.Oo

၂၀၀၇ လွတ်လပ်ရေးနေ့မှာ စတင်ဆုံဖူးတာ မှတ်မိနေတယ်။ စကားလုံးတို့ရဲ့အရှင်သခင် ကဗျာဆရာ ကျွန်မသူငယ်ချင်းဟာ တခါတခါ နားလည်ရခက်ပေမဲ့ အရမ်းတော့ ခင်ဖို့ကောင်းပါတယ်။ ဘုရားပေးတဲ့ရေစက်နဲ့ခင်မင်နေတဲ့ မိတ်ဆွေပါ။ စိတ်မကောင်းစရာက ကျွန်မနဲ့တွေ့တိုင်း သူချစ်သူကောင်မလေးတွေနဲ့ပြတ်တဲ့အချိန်တွေချည်း ဖြစ်နေတတ်တာပါ။ 😀

K.Z.Ya

သူက တောင်ကြီးသားတရုတ်ပါ။ စိတ်သဘောထားဖြူစင်ပြီး ပစိပစပ်များတဲ့သူငယ်ချင်းတွေကို မျက်နှာပုပ်ပုပ်နဲ့စိတ်ရှည်ပေးတတ်တဲ့သူ..။သူနဲ့လည်း လုပ်ငန်းခွင်မှာ ၂၀၀၅ နှစ်စမှာ စသိကျွမ်းခဲ့တာပါ။ သူ့ကိုတွေ့စက ကျွန်မအမြင်ကတ်ခဲ့ပေမဲ့ ခုတော့ သူ့စိတ်ထားရှင်းရှင်းရယ်၊ ပွင့်လင်းမှုရယ်ကိုသိလာတော့ နည်းနည်းပဲ အမြင်ကတ်ပါတော့တယ်။ 😛

M.M.Soe

U.F.L ကအခင်ဆုံးတစ်ယောက်ပါ။ သူမကခုတော့ အဲဒီမှာပဲ နည်းပြလေးဖြစ်နေပါပြီ။ သူငယ်ချင်းတွေကို သံယောဇဉ်ကြီးစွာ စိတ်ရောကိုယ်ပါ ခင်မင်ကူညီတတ်တာ သူမရဲ့သင်္ကေတ..။ကျွန်မကတော့ သူမကိုခုထိညှဉ်းပန်းနေဆဲပါ။ သူမကလည်း အပြုံးချိုချိုလေးနဲ့ Always Be There ဆိုပြီးအနွံတာခံပါတယ်။ ချစ်စရာကောင်းတဲ့ပဲခူးသူလေးပါ။

N.K.Mun

သူမကို ကျွန်မက ချစ်စနိုးနဲ့လျောင်ကီးလို့ခေါ်တတ်ပါတယ်။   ချစ်စရာတောင်ကြီးသူလေးပါ။ ဘာသာပြန်လုပ်ငန်းခွင်မှာ ခင်မင်မှုစတင်ချိန်က ၂၀၀၅ နှစ်စပိုင်း။ သူမ တောင်ကြီးကိုခဏပြန်သွားတုန်းကဆို အပြီးပြန်သွားတာများလားဆ်ိုပြီင်္းကျွန်မစိတ်ပူခဲ့ရဖူးတယ်။ ခုတော့လည်း ရန်ကုန်မှာနေကြပြီးနေကြပြီး ကျွန်မတို့ နေ့တိုင်းမတွေ့ဖြစ်တော့ပါပေမဲ့ အခင်ဆုံးမိတ်ဆွေစာရင်းမှာ သူမပါဝင်နေဆဲပါ။

N.Z.Tun

အင်တာနက်မိတ်ဆွေ..။ ၂၀၀၈ မှာခင်မင်ခဲ့တယ်။ စိတ်သဘောထားပျော့ပျောင်းတဲ့ ကျွန်မသူငယ်ချင်းလေးနဲ့အပြင်မှာ အမှတ်ရဖွယ်တစ်ကြိမ်ဆုံခဲ့ပါတယ်။ အဲဒီတစ်ကြိမ်နဲ့တင် သူ့ကိုကျေးဇူးတွေတင်ခဲ့ရသေး။ သိကျွမ်းတဲ့ကာလတိုပေမဲ့ အတော်လေးခင်မင်ဖြစ်တဲ့ မိတ်ဆွေပါ။ J

P.P.Maung

အပြုံးချိုချိုနဲ့အေးချမ်းတဲ့ဆရာဝန်လေးပါ။ egress က အခင်ဆုံးအပေါင်းအသင်းတစ်ယောက်ပါပဲ။ သူ့ချစ်သူလေးနဲ့ စိတ်ကောက်လာတိုင်း ကျွန်မတို့ကိုရင်ဖွင့်ပြီး ခေါက်ဆွဲကြော်တွေတစ်ပွဲပြီးတစ်ပွဲမှာစားတတ် တဲ့လူထူးဆန်းလေး။ အင်တာနက်ဆိုင်မှာ ဘလော့တွေအတူရေးခဲ့ကြတာလည်း အမှတ်တရပါ။

S.d.Han

Egressသင်တန်းရဲ့ Orientation day က စသိခဲ့တဲ့ ရန်ကုန်သူပါ။ စကားများတဲ့ကျွန်မနဲ့ စကားနည်းတဲ့သူမ အရမ်းခင်မင်သွားတဲ့နောက်မှ ကျွန်မသိခဲ့ရတာတော့ သူမလည်းစကားများတယ်ဆိုတာပါပဲ။ သူမက နုနုနယ်နယ်လှလှပပမိန်းကလေး။ အေးဆေးသိမ်မွေ့စွာ သူငယ်ချင်းတွေအနွံအတာခံတတ်သူမို့ တိုတောင်းတဲ့ကာလမှာပဲ ကျွန်မရဲ့အခင်ဆုံးဖြစ်လာတဲ့ ဆေးဆရာမ။

S.Hm.Oo

ရယ်စရာစကားလေးတွေပြောတတ်တဲ့ ရန်ကုန်သူလေးနဲ့ ကျွန်မ egress မှာသိကျွမ်းခဲ့ပါတယ်။ သူမက ခုဆိုကျွန်မရဲ့ ဘေးနားမှာထိုင်ရင်း အလုပ်လုပ်တူတူလုပ်နေရပြီ။ ပျော်စရာကောင်းတဲ့ အလုပ်ချိန်တွေကိုမျှဝေခံစားရင်း ဝမ်းနည်းစရာလေးတွေကိုလည်း ရယ်ပွဲတွေဖွဲ့ဖွဲ့ရင်း See you tomorrow လို့ နေ့တိုင်းနှုတ်ဆက်နေတဲ့သူ..။

S.L.Tun

U.F.L အတူတက်ခဲ့တဲ့ ရောင်းရင်းကြီးဖြစ်ပါတယ်။ ၂၀၀၀ နှစ်ကုန်က စသိခဲ့ပြီးကျောင်းပြီးတော့ ဝေးသွားလိုက်တာ ခုတော့ Online Meeting ကိုပဲအားကိုးနေရတယ်။ ဆိုက်ပရပ်မှာ ကျောင်းတက်အလုပ်တွေ လုပ်ရင်း ရင့်ကျက်တည်ငြိမ်လာတော့ သူက အရင်ထက်ပိုလေးစားစရာကောင်းလာပေမဲ့ တခါတလေတော့ အုပ်စုလိုက်ကျောင်းတွေအတူပြေးခဲ့တဲ့ UFL ကျောင်းသားလေးကိုသတိရပါတယ်။

S.S.Tun

CDCE(ချင်းမိုင်)သင်တန်းက အခင်ဆုံးညီမငယ်..။ ၂၀၀၈ ဇူလိုင်မှာ သူမနဲ့စပြီး သိကျွမ်းခဲ့ပုံက တကယ်ကိုဘုရားဖန်ဆင်းသလိုပါပဲ။ အမှတ်တရအဖြစ်ဆုံးကတော့ ချင်းမိုင်ကပျော်စရာနေ့စွဲတွေပါ။ သူမကတည်ငြိမ်တယ်။ ဇွဲရှိတယ်။ သမီးလိမ္မာလေးလည်းဟုတ်တယ်။

T.S.Phyu

၂၀၀၀ ခုနှစ် နှစ်ကုန်ပိုင်းမှာ ခင်မင်ခဲ့တဲ့ချစ်စရာမိန်းကလေးပါ။ U.F.L နေ့စွဲတွေကိုပြန်တွေးတိုင်း သူမက မပါမဖြစ်။ Ideal Christian မိန်းကလေးလို့ ကျွန်မက သူမကိုမြင်တယ်။ တကယ်သိမ်မွေ့ပြီး တဖက်သားကို နားလည်ပေးတတ်မှုက သူမရဲ့အားသာချက်ပါ။ ကျွန်မကတော့ အဲဒီလားရှိုးသူလေး သူ့မြို့ပြန်သွားမှာပဲ စိုးရိမ်နေရတယ်။

Advertisements

DSC00395

၂ဝဝ၂ ခုနှစ် ဇူလိုင်လထုတ် Fashion Image မဂ္ဂဇင်းဟောင်းလေးကို ပြန်လှန်ကြည့်မိတော့ နီရင့်ရင့်ရဲ့ကျွန်းဆိုတဲ့ ကဗျာလေးကိုခံစားတာ အသစ်ပြန်ဖြစ်လာတယ်။ သူ့ရဲ့ကဗျာထဲက အလွမ်းက စဖတ်လိုက်တာနဲ့ ခိုကိုးရာမဲ့တဲ့ခံစားမှုနဲ့ ရင်ထဲဝင်လာတာပဲ။ ခုလိုပူုပြင်းတဲ့ ရာသီမှာဖတ်လိုက်တာဆိုတော့ အဲဒီအလွမ်းက အကာအကွယ်မဲ့ပူလောင်လာတယ်။

လွမ်းလို့ထီးဖွင့်ဆောင်းစရာမရှိတဲ့

မိုးတိမ်တွေလို

ခေါင်းငုံ့ထားရတယ်….. တဲ့။

အဲဒီအစပိုင်းလေးမှာတင် လူကအလွမ်းနဲ့ ပူလောင်ချိနဲ့လာပြီး အားငယ်မှုနဲ့နှုတ်ဆိတ်နေတဲ့ စကားလုံးတွေကို ရှာတွေ့လိုက်တယ်။ ကိုယ်ဟာမနိုင်ဝန်ကို ထမ်းမိလို့ မချိမဆန့် ဒဏ်ရာတွေများ ရလာမိလားလို့ အတွေးရောက်မိတယ်။ လူဆိုတာကလည်းခံစားမှုနောက်လိုက်မှန်းမသိလိုက်ရင်း တွေ့ရာမြင်ရာ အာရုံကိုခံစားပျော်ပိုက်နေတဲ့အမျိုး။

အဲဒီလိုလောကမှာမှ ကျွန်မတို့တွေက အပြန်အလှန်နားလည်မှုလေးတွေနဲ့ ရှင်သန်နေရတာ။

နားလည်မှုနှစ်ထပ်ကြားက

ပဝါပါးကလေးမိုးမိခဲ့ပြီလား

ကဲ………အဲဒီပဝါပါးလေးက ဘာအကြောင်းတွေကြောင့် မိုးမိနိုင်သလဲ။ အဲဒါတွေ တွေးရင်းနဲ့ပဲ မိုးလင်းသွားနိုင်ပါရဲ့။ ဘာပဲဖြစ်ဖြစ် အားလုံးပြီးခဲ့ပြီဆိုတာ သေချာရင်တော့ ကိုယ့်ကိုယ်ကိုပြန်တည်ဆောက်ရမှာ အမှန်ပဲလေ။ ဘယ်လိုစာမျက်နှာတွေပဲ ဖြတ်ခဲ့ဖြတ်ခဲ့၊ အသစ်စာမျက်နှာတွေကိုတော့ လှပဖို့ သန့်ရှင်းဖို့ တာဝန်ယူရဦးမယ်။ အဲဒါလူဖြစ်ရခြင်းရဲ့ တာဝန်ပဲလို့ အတွေးတွေ ရောက်ပေါက်ရင်း ကဗျာလေးဆုံးသွားပါတယ်။ အဆုံးသတ် စကားလုံးရွေးချယ်မှုက ရိုးရှင်းတယ်။ ပြတ်သားတယ်။ စိတ်ကိုတင်းထားရတယ်…တဲ့။ အဲဒီစာကြောင်းလေးဖတ်လိုက်တော့မှ တင်းထားတဲ့ စိတ်က ပြန်ပြီးခိုကိုးရာမဲ့ဖြစ်လာလို့ မဂ္ဂဇင်းစာအုပ်ဟောင်းလေးကို အသာပြန်ပိတ်လိုက်တယ်။

ကျွန်မဘ၀မှာ တန်ဖိုးထားတဲ့အရာ များများစားစားမရှိလှပါ။အဲဒီထဲမှာမှ ယုံကြည်မှုဆိုတဲ့အရာ ပါဝင်နေတာဖြစ်ပါတယ်။ ကျွန်မက ယုံကြည်မှုတွေပေးတတ်ပါတယ်။ ပေးနိုင်အောင်လည်း တမင်လေ့ကျင့်ခဲ့ဖူးတယ်။

ကျွန်မက ယုံကြည်မှုကိုမြတ်နိုးတယ်။ ယုံကြည်ပေးရတာကိုလည်း နှစ်သက်တယ်။ အဲဒီလို ယုံကြည်ပေးလိုက်ရတာ ကိုယ်တိုင်လည်း လုံခြုံသွားသလို ခံစားရတယ်။ သူများအပေါ်မှာလည်း ပိုလေးစားတတ်လာသလိုပဲ။ Love All ဆိုတဲ့စကားကို အပြည့်အဝ မပြုကျင့်နိုင်သေးသလို Trust a Few ဆိုတာကိုလည်း မလုပ်နိုင်သေးဘူး။ ဒါပေမဲ့ ကျွန်မက Try to Trust ဖြစ်နေတယ်။ တခါတလေတော့ ဘယ်လိုမှ ယုံကြည်စရာ အကွက်ရှာမတွေ့တဲ့သူမျိုးနဲ့ ကြုံဆုံရတဲ့အခါလည်း ရှိတယ်။ အဲလိုခါမျိုးဆို အရင်ဆုံးကျွန်မစိတ်ဆင်းရဲရတယ်။ ကိုယ်တိုင်က သိပ်မရင့်ကျက်နိုင်သေးတာလားပဲမသိ။ အဲဒီလိုလူတွေနဲ့ ကျွန်မပေါင်းသင်းဆက်ဆံလိုစိတ်ကုန်နေတတ်တယ်။

ဘာပဲပြောပြော ပေါင်းသင်းဆက်ဆံရေးမှာ ယုံကြည်မှုက အရေးကြီးဆုံးပါ။ နိုင်ငံအချင်းချင်းကြားက ယုံကြည်မှုက စလို့ သူငယ်ချင်းနှစ်ယောက်ကြားက ယုံကြည်မှုထိ ယုံကြည်မှုအားလုံးက ခိုင်မာနွေးထွေးတဲ့ ဆက်ဆံရေးတစ်ခုရဲ့အုတ်မြစ်ပဲလေ။ အဲဒီလိုယုံကြည်မှုတွေဟာ ရေခံမြေခံအရရှိလာတာလည်း ရှိတယ်။ တမင်တည်ဆောက်ယူရတာလည်းရှိတယ်။ အလိုအလျောက် ရှ်ိနေတာလည်းရှိတယ်။ အဲဒါကြောင့် တမင်ဆောက်ထားတဲ့ ယုံကြည်မှုတွေပျက်ခဲ့ရတဲ့ အခါမျိုးတွေလည်း ကျွန်မကြုံခဲ့ရဖူးတယ်။ ခံစားမှုဘက်ကကြည့်ရင်တော့ So bad ပေါ့။ ဒါပေမဲ့ Love All ဆိုတာလေးနဲ့ ပြန်ဖြည့်ဖြည့်နေရတယ်။ နားလည်မှုပေးလိုက်တယ်။ နိုင်သလောက်ပေါ့။ ၀န်တော့ သိပ်မကြီးမိဖို့ကြိုးစားတယ်။ ကျွန်မနားလည်မပေးနိုင်တဲ့ နယ်ပယ်ထိရောက်သွားရင်တော့ ကြိုးတွေ ဖြေချလိုက်တာပါပဲ။

တခါတလေတော့ Value တွေနဲ့ ချိန်ထိုးကြည့်ရတယ်။ အချိန်ယူပြီးပြန်ဆောက်နိုင်တဲ့ ယုံကြည်မှုကို မျှော်လင့်ကြည့်ရတယ်။ ယုံကြည်မှုဆိုတာပေါ် သိပ် Sensitive မဖြစ်မိအောင်လည်း ကြိုးစားရတယ်။ လူဆိုတာ အားလုံး အရိယာမှ မဟုတ်တာ။ ကျွန်မကိုယ်တိုင်လည်း ကိုယ့်အပါးက လူတွေကိုယ့်ကိုအတိုင်းအတာတစ်ခုထိ ယုံကြည်လို့ရအောင် ခုထိကြိုးစားနေဆဲမဟုတ်လား။ ကိစ္စအားလုံးကိုသုံးဘက်မြင်တတ်အောင် လေ့ကျင့် ပါတယ်။ အဲဒီလိုနဲ့ပဲ ယုံကြည်မှုအလဲအလှယ်တွေ ပြေလည်နေလိမ့်မယ်လို့တော့ ယုံကြည်နေပါသေးတယ်။

ဒီနေ့ နေ့လယ်က အောင်ဆန်းကွင်းထဲရောက်သွားတယ်။ အကြောင်းကတော့ သိတဲ့အတိုင်း ရန်ကုန်ယူနိုက်တက်ရဲ့ မိတ်ဆက်ပွဲလေးပေါ့။

အ၀င်နားကအ၀င်နားက တက်ကြွနေတဲ့ လူတွေ

မှတ်တမ်းပရိသတ်မှတ်တမ်း လက်မှတ်တွေထိုးကြ

dsc00058ဟောဒီလို အားပါးတရအားပေးကြတယ်

dsc00073ရန်ကုန်ချစ်သူများ

dsc00077ရန်ကုန်ချစ်သူများအတွက် ရန်ကုန်အင်အားများ

dsc00096ရန်ကုန်ယူနိုက်တက်ရဲ့ နှစ်သင်းခွဲကစားတဲ့  ပွဲမစမီ နာဂစ်တစ်နှစ်ပြည့် အမှတ်တရ ၀မ်းနည်းခြင်းအထိမ်းအမှတ် ၁ မိနစ်ငြိမ်သက်

dsc00068Dream Big…..Play Hard

dsc00103အင်တိုက်အားတိုက် နှစ်သင်းခွဲကန်တယ်

dsc00106သူတို့ကိုလည်းကျေးဇူးတင်တယ်

ဘာပဲဖြစ်ဖြစ် နောက်လာမယ့် ရန်ကုန်ယူနိုက်တက်ပွဲတွေမှာ ပျော်ရွှင်စွာတွေ့ကြဖို့ မျှော်လင့်နေပါကြောင်း…။